Stjórnarfundur í FÍKNF þann 7.apríl haldinn í Skipholti í Listgreinahúsi KHÍ.

Fundartími frá kl 17:00 - 18:00

Mættir voru: Svanborg R Jónsdóttir, formaður, Gísli Þorsteinsson meðstjórnandi og Rósa Gunnarsdóttir ritari. Steinhildur hafði boðað forföll og Ívar er í veikindaleyfi.

Dagskrá fundarins:  

1. Málþing. Farið yfir málþingið sem haldið var þann 17.mars sl. – Fólk var ánægt með málþingið sem við heyrðum í og mikill áhugi hjá þeim sem mættu. Steinhildur hafði sent meil og framhaldsskólafólkið var ánægt með yfirlitið sem flutt var um starfsemina á því skólastigi. Menntamálaráðherra var send ályktun málþingsins. Ráðuneytið samþykkti 50 þúsund króna styrk til málþingsins en auk þess styrkti Impra nýsköpunarmiðstöð málþingið með greiðslu kostnaðar vegna húsnæðis. 

Stjórnin telur að ástæða og grundvöllur sé til árlegs viðburðar af þessu tagi, eft. Að vera heilan dag næst og miða við að hafa það hagnýtt (praktískt)og að þemað verði jafnvel: hagnýting þekkingar. Kom fram tillaga um að halda að ári samkomu þar sem eitt innlegg væri fyrir alla en svo væri hægt að velja um vinnusmiðjur eða kynningar fyrir mismunandi skólastig. Svanborg minntist á að undirbúningstíminn hafi verið of stuttur þó vel hafi tekist til, þá sé betra að byrja undirbúning fyrr, sérstaklega til að tryggja húsnæði.  Rætt um hvort hægt sé að vera í Kennó næst.

2. Kennitölumál. Þar sem umsókn okkar um kennitölu var hafnað vegna þess að í lög félagsins vantar grein um hugsanleg endalok starfseminnar og hvert eignir félagsins renna í slíku tilfellli, var ákveðið að halda sem fyrst aukaaðalfund. Boðað verður til hans með löglegum fyrirvara og verður aðalefni hans að bæta við lögin grein um hvert eignir félagsins renna ef til slita kemur. Svanborg mun útbúa fundarboð og Gísli senda það á póstlista félagsins.

3. Félagaskrá. 22 nýjir félagar bættust við á málþinginu, en skráningarblaðið var ekki meðferðis og mun Rósa vinna í að koma skráningunni til Gísla sem sér um félagaskrána.  

4. Rætt um að sækja um mánaðarlaun til félagsins, til menntamálaráðuneytisins eins og tíðkast með sérgreinafélög kennara.

Rætt um umsóknir til að halda námskeið í nýsköpunarmennt sem liggja fyrir hjá KÍ og menntamálaráðuneyti en svör hafa ekki borist. Svanborg ætlar að hafa samband við ráðuneyti og kanna hvort félagið fái úthlutun.

Fundarritari Rósa Gunnarsdóttir