Fjórði stjórnarfundurinn 2007

Stjórnarfundur í FÍKNF 2007 þann 7.febrúar  haldinn í Bolholti  í Listgreinahúsi KHÍ.

Mættir voru: Svanborg, Örn, Róbert, Rósa og Harpa

Fundur hófst kl. 16:15

1.1.  Nafn á málþingið (Hver er tilgangurinn með málþinginu?)

Ákveðið var að nafnið á málþinginu yrði:

Félag kennara í nýsköpunar- og frumkvöðlamennt halda/kynna málþingið SKÖPUNARKRAFTUR SKÓLANNA 

1.2.  Dagskrá málþingsins: (tillaga að mestu í samræmi við áður umrædd atriði á fundum stjórnar)

Farið var yfir áður uppsetta dagskrá og henni hagrætt:  

Athuga breytingar þannig að Kristín rektor Háskóla Reykjavíkur setji málþingið ásamt Ólafi Proppé.

Rósa kom með hugmynd um að fá Hilmar Veigar Pétursson framkvæmdarstjóra tölvuleikja fyrirtækisins CCP sem hannar m.a. EVE-online til að vera með  innlegg málþingsins. Upp komu spurningar eins og;  Hver er tenging fyrirtækisins við skólana? Hvernig myndi þetta mælast fyrir hjá málþingsgestum? og   hvort hægt væri að þróa skólasamfélag í leiknum EVE-online? (en fyrir er m.a. útvarpsstöð). Eftir nokkrar vangaveltur komu fjölmörg rök sem studdu þessa hugmynd og ætlar Rósa að hafa samband við Hilmar ( ath. hvort hann gæti haft þessar vangaveltur í huga!). Einnig kom tillaga um vara áætlun en það er að fá annað hvort “Lani Yamamoto” eða Stefán Pálsson staðhaldara Rafheima ef ekki næst að fá Hilmar.

Róbert hafði sent í tölvupósti hugmyndir af umræðu sem gæti farið fram á  vinnustofu Hilmars í VMA þar sem fjallað væri um frumkvöðla- og nýsköpunarverðlaun FÍKNF (hvernig er hægt að lokka fram jákvæða athygli). Hvaða forsendur eigum við að miða við? Hverjir eiga að sækja um? Hverjir skara fram úr og hverjir ekki o.s.frv. Allir voru sammála um mikilvægi þeirra atriða sem hann kom inn á.

Ákveðið var að Harpa stýrði málstofu sem fjalla á um tengsl skólanna við atvinnufyrirtæki og myndi hún setja saman dæmi m.a. frá verkefni sem verið er að fara af stað með í  Reykjanesbæ og helst víðar. Hugmyndir af umræðum gætu verið; Hvaða tækifæri hafa skólarnir við sitt nánasta umhverfi? Hvernig er best að setja saman nám/verkefni í tengslum við atvinnulífið/veruleikann? O.s.frv.

Málstofa Gísla um notkun tölvutóla í nýsköpunarkennslu breytist í kynningu fram á gangi með tilheyrandi veggspjöldum og öðrum upplýsingum.

Einnig kom upp hugmynd hvort hægt væri að setja upp kynningu frá lego-keppninni.

1.4. Veitingar (kaffi) og kostnaður á málþingið (5 mín)

• Ákveðið var að sækja um styrk til menntamálaráðuneytinu til að dekka tilfallandi kostnað og einnig var samþykkt að taka þátt í ferðakostnaði Hilmars.
• Svanborg ætlar að sjá um að panta kaffiveitingar.
• KHÍ býður uppá notkun húsnæðis en gert var grein fyrir því að borga þyrfti fyrir alla tækniaðstoð sem unnin yrði af smiðjumönnum KHÍ.

1.5. AUGLÝSINGAR – hvar hvernig. Kostnaður? Hönnun og auglýsingar? (10 mín)

• Rósa ætlar að athuga hvort menntamálaráðuneytið gæti sent út tilkynningu um málþingið.
• Einnig á að senda tilkynningar í gegnum póstlista.

 2. Önnur mál (5 mín) 

• Rósa sagði stuttlega frá þeirri umræðu sem fara á fram í málstofunni undir hennar stjórn en þar á að kynna nýjar áherslur nýsköpunarkeppninnar en nýlega var skipt um rekstraraðila (vitinn sér nú um reksturinn) og er keppnin nú í eigu menntamálaráðuneytis. 
• Rósa sagði einnig frá Sprotaþingi sem hún hafði nýlega sótt sem haldið var af samtökum iðnaðarins og sprotafyrirtækjum. Þar kom fram að stjórnmálaflokkur ynni að mótun  þingsáætlunartillögu í nýsköpun og frumkvöðlamennt.

 
Fundi slitið kl. 17:45
 

Fundarritari Harpa Magnúsdóttir